Deutsche Bank AG (lliteralmente "Bancu Alemán") ye una compañía global de servicios bancarios y financieros con sede nel Torres Ximielgues del Deutsche Bank en Frankfurt del Main. Cuenta con más de 100,000 emplegaos en más de 70 países, y tien una gran presencia n'Europa, América, Asia-Pacíficu y los mercaos emerxentes. Nel 2009, Deutsche Bank foi'l mayor distribuidor de divises del mundu con una cuota del mercáu de 21 per cientu.[1][2] La compañía foi un componente del índiz STOXX Europe 50[3] hasta que foi remplazado nesi índiz n'agostu 8, 2016.[4]
El bancu ufierta productos y servicios financieros pa veceros corporativos ya institucionales xunto con veceros privaos y de negocios. El negociu principal de Deutsche Bank ye la banca d'inversión, que representa'l 50% del patrimoniu, el 75% de los activos d'apalancamientu y el 50% de los beneficios.[5] Los servicios inclúin ventes, negociación, investigación y originación de delda y patrimoniu; fusiones y alquisiciones (M & A); productos de xestión de riesgos, tales como derivaos, finances corporatives, xestión de patrimoniu, banca minorista, xestión de fondos y banca de transaiciones.[6]
En xineru del 2014, Deutsche Bank reportó una perda antes d'impuestos de 1,200 millones d'euros (1,600 millones de dólares) pal cuartu trimestre del 2013. Esto producióse dempués de que los analistes predixeren un beneficiu de cuasi 600 millones d'euros, según estimaciones del FactSet. Los ingresos cayeron un 16% con respectu al añu anterior.[7]
El 7 de xunu del 2015, los entós co-CEO, Juergen Fitschen y Anshu Jain, dambos ufiertaron el so arrenunciu[8] al conseyu de supervisión del bancu, que fueron aceptaes. L'arrenunciu de Anshu Jain entró a valir el 30 de xunu de 2015, pero emprestó consultoría al bancu hasta xineru del 2016. Juergen Fitschen siguió temporalmente como CEO conxuntu hasta'l 19 de mayu del 2016. El nomamientu de John Cryan como CEO conxuntu foi anunciáu, con efeutu a partir del 1 de xunetu de 2016; él convirtióse nel únicu CEO a la fin del términu de Juergen Fitschen.
En xineru del 2016, Deutsche Bank pre-anunció una perda del 2015 antes d'impuestos a la renta d'aproximao 6.1 millones d'euros y una perda neta d'aproximao 6.7 millones d'euros.[9] Arriendes de esti anunciu, un analista bancariu de Citi declaró: "Creemos qu'un aumentu de capital agora paez inevitable y va ver un déficit de capital d'hasta 7,000 millones d'euros, sobre la base de que Deutsche va vese obligáu a acutar ente 3,000 y 4,000 millones d'euros de cargos de pleitu nel 2016. "[5]
© MMXXIII Rich X Search. We shall prevail. All rights reserved. Rich X Search